"Sharq taronalari" xalqaro musiqa festivaliga tayyorgarlik ko'rish maqsadida ertangi kundan festival yakuniga qadar "Registon" ansambli mehmonlar va sayyohlarni faqat soat 10:00 dan 16:30 gacha qabul qilishi mumkin. 

O‘zbekiston 121 mamlakatni o‘z ichiga olgan “Safety Perception Index 2023” — dunyoning eng xavfsiz mamlakatlar reytingida 1-o‘rinni egalladi.

Ta’kidlanishicha, O‘zbekiston fuqarolar hayoti va sayohat qilishi uchun xavf darajasi minimal ekani aytilgan.

Eng xavfsiz mamlakatlar yuqori beshtaligidan shuningdek, Birlashgan Arab Amirliklari, Saudiya Arabistoni, Norvegiya va Estoniya joy oldi.

Markaziy Osiyo davlatlaridan Qozog‘iston 14-, Tojikiston 17-, Qirg‘iziston 26-o‘ringa joylashtirilgan. Reytingning eng quyi qismini Gvineya, Serra-Leone va Mali davlatlari egallagan.

“Safety Perception Index” beshta faktorga e’tibor qaratadi: oziq-ovqat va suv, zo‘ravonlik jinoyatlari, noqulay ob-havo sharoiti, aqliy sog‘lomlik hamda mehnat muassasalaridagi xavfsizlik.

Joriy yilning 6-avgust sanasida Samarqand shahri Registon ansamblida “Ichki turizm yarmarkasi” bo'lib o'tishi rejalashtirilgan.

Mazkur yarmarkada ichki turizm sohasida faoliyat yurutivchi turoperatorlar, turagentlar, joylashtirish vositalari(mehmonxona, hostel, mehmon uyi) va boshqa turizm sohasi vakillari ishtirok etishi mumkin!

Yarmarkada ishtirok etish mutlaqo BEPUL!

Agar siz “Ichki turizm yarmarkasi” ishtirokchisi bo‘lishni istasangiz va sizni qiziqtirgan savollar bo‘lsa, quyidagi raqamlar orqali bizga murojaat qilishingiz mumkin:

+998 91 557 76 43 (@mardonov875)

+998 93 333 65 10

Yarmarka davomida sizni nimalar kutayabdi?

Ichki turizm sohasida yangi hamkorlar bilan kelishuvlarga erishish;

Respublikamiz hududlaridan tashrif buyurgan ichki turizm sohasidagi tadbirkorlik subyektlari bilan davra suhbatlari;

Yarmarka davomida madaniy ko'ngilochar dasturlar;

Barcha ishtirokchilar uchun Samarqand viloyatining diqqatga sazovor joylariga infoturlar tashkil qilinadi.

Registon maydonida Parij-2024 yozgi Olimpiya o'yinlariga avtomobillarda borgan bir guruh muxlislar va taniqli o'zbek avtoblogerlari uchrashuvi bo'lib o'tdi.

Ushbu guruh ketishidan oldin milliy Olimpiya qo'mitasida tadbir bo'lib o'tdi. Rasmiylarning ta'kidlashicha, O'zbekiston delegatsiyasi o'z tarixida birinchi marta Olimpiadada eng katta tarkib bilan ishtirok etadi va qo'llab-quvvatlash guruhining mavjudligi sportchilarimizga yanada ko'proq turtki beradi.

O'zbekiston futbol assotsiatsiyasi muxlislar bilan ishlash bo'limi boshlig'i Abdurahmon Fozilov boshchiligidagi avtoblogerlar guruhi O'zbekistonning sayyohlik salohiyatini o'n minglab kilometrlar davomida targ'ib qilib, chet elliklarni mamlakatimizda sayyohlar uchun yaratilgan imkoniyatlar bilan tanishtirishi kutilmoqda. Shuningdek, o'n milliondan ortiq obunachiga ega bloggerlarimizning ijtimoiy tarmoqlardagi sahifalari orqali o'nlab qiziqarli media kontentlarini tayyorlash va joylashtirish rejalashtirilgan.

Shuni aytib o'tish joizki, O'zbekiston terma jamoasi 2024 yil Parijda bo'lib o'tadigan yozgi Olimpiya o'yinlarida ishtirok etish uchun 26 ta litsenziyani qo'lga kiritdi. Litsenziyalardan birini qilichboz-sablist Zaynab Dayibekova oldi, u uchun bu ikkinchi Olimpiya o'yinlari bo'ladi. Keyingi yilning 27-28 aprel kunlari Fujayra (BAA) qilichbozlik turnirida qo'shimcha litsenziyalar o'ynaladi.

O'zbekiston delegatsiyasi ushbu turnirda o'z tarixidagi eng katta tarkib bilan ishtirok etadi. Bizning jamoamiz Qozog'iston, Rossiya, Gruziya, Gretsiya, Albaniya, Italiya, Shveytsariya, Germaniya, Belgiya, Gollandiya, Monako, Lyuksemburg kabi davlatlardan o'tadi. Bu O'zbekistonning ushbu mamlakatlarda turizm salohiyatini rivojlantirishga xizmat qilishi kutilmoqda.

- Biz O'zbekistonning sayyohlik salohiyatini to'liq aks ettiruvchi turli materiallarni tayyorladik, - dedi A. Fozilov. - Har bir mamlakatda biz sayyohlik salohiyatimizni yorituvchi jurnallarni tarqatamiz va chet el fuqarolarini mamlakatimizda ular bilmagan hayot tomonlari bilan tanishtiramiz. Biz butun dunyoga O'zbekistonning sayyohlar uchun ulkan imkoniyatlari borligini aytib berishga va uni boy tarix, madaniyat va milliy qadriyatlarga ega mamlakat sifatida namoyish etishga intilamiz.

Parij olimpiadasi 26 iyulda boshlanadi va 11 avgustda yakunlanadi. Jami 32 sport turida 329 ta mukofot to'plami o'ynaladi. Bu yil Parijdagi 28 ta asosiy Olimpiya sport turlari bo'yicha musobaqalar dasturiga qo'shimcha sifatida breyk-dans, surfing, sport toqqa chiqish va skeytbord tanlandi. Birinchi marta havaskorlar olimpiadada titulli sportchilar bilan bir qatorda qatnashish imkoniyatiga ega bo'ladilar.

2024 yilgi Olimpiada medallarida bir vaqtlar Parij va butun Frantsiyaning ramzi bo'lgan Eyfel minorasining bir qismi bo'lgan metall bo'lagi.

Koreya Respublikasi Prezidenti Yun Sok Yol mamlakatimizga davlat tashrifi doirasidagi tadbirlar yakunida O‘zbekiston Respublikasi Prezidenti Shavkat Mirziyoyev hamrohligida Samarqandning tarixiy obidalari bilan tanishdi.

Ko‘hna shaharda davlat rahbarlari rafiqalari bilan birga mamlakatimizning “tashrif qog‘ozi”, ajdodlarimiz bunyodkorlik salohiyatining go‘zal ifodasi – dunyoga mashhur Registon maydoniga tashrif buyurdilar. Mirzo Ulug‘bek, Sherdor va Tillaqori madrasalarining mahobati, o‘zi xos arxitekturasi hammada hayrat va havas uyg‘otadi.

Oliy martabali mehmonlar Registondagi har bir obida, milliy hunarmandchilik mahsulotlari ko‘rgazmalarini hayrat bilan tomosha qildi. Ularga madrasalarning qurilish tarixi, peshtoqlaridagi naqsh va ramzlarning mazmuni haqida so‘zlab berildi.

Amir Temur maqbarasi ziyorati chog‘ida mehmonlarga buyuk bobomizning davlatchilik siyosati, harbiy mahorati, turli mamlakatlar bilan diplomatik aloqalari haqida so‘zlab berildi. Sohibqiron bobomiz va temuriylar davlati o‘z davrining eng ulkan va rivojlangan mamlakati bo‘lgani mehmonlarda katta taassurot qoldirdi.

Shundan so‘ng Prezidentlar va ularning rafiqalari "Afrosiyob" muzeyiga tashrif buyurdilar.

Bu muzey Samarqand shahrining uch ming yillik tarixidan hikoya qiladi. Bu yerdagi noyob eksponat va devoriy suratlar butun dunyo sayyohlarini, shu jumladan koreyaliklarni o‘ziga jalb etib keladi.

VII asrga oid devoriy suratlardan birida Samarqand hukmdorining qadimgi Koreya – Koguryo elchilarini qabul qilish marosimi ham aks etgan. Bu xalqlarimiz o‘rtasidagi almashinuvlarning ko‘p asrlik tarixidan dalolat beradi.

Yaqinda koreyalik mutaxassislar ishtirokida muzeyni restavratsiya qilish ishlari yakunlangan bo‘lib, ular doirasida binoning ichki va tashqi qiyofasi mukammal qilib yangilandi.

Janubiy Koreya Prezidenti tarixiy ashyolarni hayrat va e’tibor bilan tomosha qilar ekan, xalqlarimiz o‘rtasidagi aloqalari uzoq o‘tmishga borib taqalishini, bu do‘stlik va hamkorlik bundan keyin ham bardavom bo‘lishini ta’kidladi. Yetakchilar madaniy merosni asrash borasidagi ikki tomonlama hamkorlikni yanada rivojlantirish muhimligini qayd etdilar.

So‘ng oliy martabali mehmonlar Mirzo Ulug‘bek rasadxonasi va muzeyi bo‘ldi.

Amir Temurning suyukli nabirasi bo‘lgan Muhammad Tarag‘ay Mirzo Ulug‘bek buyuk astronom olim va hukmdor sifatida ilm-fan va madaniyat rivojiga katta hissa qo‘shgan. O‘rta asrlardayoq noyob rasadxona kashf qilib, osmon jismlarini juda aniq o‘rgangan. Uning “Ziji jadidi Ko‘ragoniy” asari dunyo astronomiyasida muhim qo‘llanma bo‘lib xizmat qilgan.

Ekskursiyaning oxirgi manzili “Buyuk ipak yo‘li” xalqaro turizm markazidagi “Boqiy shahar” tarixiy-etnografik majmuasi bo‘ldi. Bu yerda mehmonlarga xalqimizning betakror badiiy, hunarmandlik va musiqiy madaniyati namoyish etildi.

Davlat rahbarlarining Samarqanddagi uchrashuvi samimiy va do‘stona muhitda o‘tdi.

deb nomlangan maqola, mashhur qirg'iz gazetasida "Kyrgyzstan So'zi"da chop etilgan.

Ushbu maqolada ta'kidlanmoqda, Samarqand 2,5 ming yillik tarixga ega bo'lib, dunyo madaniyati krossroads-i sifatida bo'lgan. Bu shahar 2001-yilda UNESCO jahon yodgorlik ro'yxatiga kiritilgan.

Bugun Samarqand mashhur turizm markazi sifatida o'z o'rni ustida saqlaydi.

Maqolada anglatilishicha, zamonaviy shahar ajoyib joylari Samarqand turizm markazi "Ipak yo'li" hisoblanadi. Bu erda yangi arxitektura va muhandislik echimlari asosida yuqori darajadagi mehmonxonalar, zamonaviy kongress-markazi, shuningdek "Boqiy shahar" etnografik parki qurilgan, u milliy arxitektura eng yaxshi traditsiyalarini hayotga olib kelgan.

Nashrning ko'rsatishicha, Samarqand qadimgi moddiyotining zargarlik g'oyalariga, masalan, Gur-e Amir, Shohizinda, Bibi-Xonim, Registon ansambli va boshqa joylarga turistlarni jalb qiladi. Ularga dunyo bo'ylab yo'l qo'yilgan, shuningdek, markaziy Osiyoning eng zamonaviy va yuqori texnologiyali havolalari hisoblanadigan xalqaro aeroport, zamonaviy temir yo'li vokzali, ajoyib mehmonxonalari va mehmonxonalari xizmatlarini eng yuqori darajada taqdim etadi.

Samarqand shahridagi Registon ansamblida futzal bo‘yicha jahon chempionatining qur’a tashlash marosimi bo‘lib o‘tadi.

Shu munosabat bilan Registon ansambliga tashriflar

24 may soat 15.00 dan;

25-may soat 17.00 dan (Tilla-Kori madrasasi 25-may kuni kun boʻyi yopiladi);

26 may - kun boʻyi to‘xtatiladi.

Eslatib o‘tamiz, futzal bo‘yicha jahon chempionati 2024-yil kuzida O‘zbekistonda bo‘lib o‘tadi.

O‘zbekiston Respublikasi Prezidenti huzuridagi Statistika agentligining ma’lum qilishicha, mamlakatimizdagi eng ko‘p tashrif buyuruvchilarga ega boʻlgan 5 ta muzey quyidagilar:

Registon ansambli – 1 010,8 ming kishi;

Samarqand davlat muzey qoʻriqxonasi – 1 006,6 ming kishi;

Gʻalaba bogʻi yodgorlik majmuasi tarkibidagi Shon-sharaf Davlat muzeyi – 648,5 ming kishi;

Xiva Ichan-Qalʼa davlat muzey qoʻriqxonasi – 448,4 ming kishi;

Buxoro davlat muzey qoʻriqxonasi – 390,3 ming kishi.